दार्चुला । आईसीसी पुरुष विश्वकप क्रिकेट लिग–टु श्रृंखला अन्तर्गत घरेलु मैदानमा नेपालले आज युएईसँग खेल्दैछ ।
काठमाण्डौको त्रिवि क्रिकेट रङ्गशालामा श्रृंखला शुरू हुन लागेको हो । नेपाल र युएईबीचको खेल बिहान साढे ९ बजेदेखि शुरू हुनेछ । यो शृङ्खलामा नेपालसहित युएई र ओमान रहेका छन् । यी टोलीले एक आपसमा दुई–दुई खेल खेल्नेछन् ।
त्यसपछि नेपालले स्कटल्यान्ड र अमेरिका सम्मिलित श्रृंखला खेल्नेछ । अहिले ८ टोलीमध्ये २० खेलमा जम्मा ५ जीत निकालेको नेपाल १२ अङ्कका साथ तालिकाको सातौँ स्थानमा छ । नेपालभन्दा अङ्क तालिकामा पछि रहेको टोली युएई २० खेलमा १० अङ्कका साथ पुछारमा छ ।
यस्तै नेपालले खेल्ने अर्को टोली ओमान २४ खेलबाट २९ अङ्कसहित तेस्रो स्थानमा छ । त्यस्तै अहिलेसम्म २४ खेल खेलेको अमेरिका २४ खेलमा ३६ अङ्क जोडेर शीर्ष स्थानमा छ ।
विश्वकप क्रिकेट लिग–टु को लागि रोहित पौडेलको कप्तानीमा १५ सदस्यीय नेपाली राष्ट्रिय एकदिवसीय क्रिकेट टोलीको घोषणा गरिएको छ । विनोद भण्डारीले टोलीमा पुनरागमन गरेका छन् । अर्जुन कुमाल पहिलो पटक राष्ट्रिय टोलीमा समेटिएका छन् । रोहितको कप्तानीमा रहने टोलीमा दीपेन्द्रसिंह ऐरी उपकप्तान छन् ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै प्रकाशित
